Skýrt um
upplýsingarnar.
Þessi síða lýsir meðferð upplýsinga á zafe.kastro.is, kynningarvef Kastro fyrir Zafehouze-vörur. Hún fjallar ekki um meðferð gagna í ZafePass eða ZafeMessenger.
Síðast uppfært: 3. nóvember 2026
01 / Rekstraraðili og samband
Kastro er hugbúnaðar- og öryggisrekstur Andra Péturs Hafþórssonar á Íslandi. Kastro rekur þennan kynningarvef. Fyrirspurnir um persónuvernd eða meðferð upplýsinga má senda á andri@kastro.is.
02 / Fyrirspurnareyðublaðið
Það sem þú skráir í eyðublaðið er notað í vafranum þínum til að útbúa tölvupóstdrög eða texta til afritunar. Vefurinn sendir ekki eyðublaðið á netþjón, vistar það ekki í vafrageymslu og sendir það ekki sjálfkrafa í tölvupósti.
Þegar þú velur að opna tölvupóstdrög er efni fyrirspurnarinnar afhent tölvupóstforritinu þínu. Ef þú sendir póstinn berast upplýsingarnar Kastro með venjulegum tölvupósti og eru notaðar til að svara fyrirspurninni og sinna samskiptum sem henni tengjast. Ekki senda lykilorð eða viðkvæm kerfisgögn.
Um tölvupóstsamskipti
Þegar þú sendir fyrirspurn notar Kastro upplýsingarnar til að svara beiðni þinni. Almenn persónuverndarstefna Kastro lýsir meðferð tölvupósts, réttindum og varðveislu. Þar er miðað við 12 mánaða varðveislu fyrirspurna nema óskað sé eftir fyrri eyðingu. Lesa stefnu Kastro
03 / Hýsing og tæknilegar upplýsingar
Vefurinn er hýstur á innviðum undir stjórn Kastro og tengingar fara um Cloudflare. Við afhendingu vefsins eru tæknilegar upplýsingar, svo sem IP-tala, tími beiðni, vefslóð og upplýsingar um vafra, unnar til að afhenda efnið og sinna rekstri og öryggi. Ekki er haldin aðgangsskrá í vefþjóni þessa vefs; innviðaveitur geta þó unnið eigin rekstrar- og öryggisupplýsingar.
Hýsing þessa kynningarvefs segir ekki til um hvar gögn yrðu vistuð í uppsetningu á Zafehouze vöru.
04 / Vefkökur og mælingar
Vefurinn bætir ekki við vefkökum, auglýsingarakningu eða vefgreiningarskriftum. Letur og útlitsefni eru afhent frá vefnum sjálfum. Val á tungumáli fylgir vefslóðinni og er ekki vistað í vafranum.
05 / Ytri tenglar og réttindi
Tenglar á vefi Zafehouze og annarra aðila opna vefi sem hafa eigin skilmála og persónuverndarupplýsingar. Þeir fá ekki upplýsingar úr eyðublaðinu frá þessum vef.
Hafðu samband við Kastro ef þú vilt fá upplýsingar um persónuupplýsingar í tengslum við fyrirspurn þína eða óska eftir leiðréttingu eða eyðingu. Beiðnir eru metnar með hliðsjón af viðeigandi skyldum og réttindum. Kvörtunum má beina til Persónuverndar. personuvernd.is